Tlangnuam Rural Development Block hi kum 1953 khan Aijal Tribal Areas Development Project tih hming pu-a din tan a ni. Chutih lai a Aijal Tribal Areas Development Block-a a hotu ber chu Project Executive Officer tih a ni thin a. He hming hi kum 1962 thlengin hman a ni. Hetih hun chhung hian Project Executive Officers 6 an awm hman a, an vai hian Assam Civil Service mi leh sa an ni.

Kum 1962 atang khan Aijal Tribal Areas Development Project-a a hotu ber chu Block Development Officer ti-a koh tan a ni. Kum 1972-a Aijal Tribal Areas Development Project chu Tlangnuam Community Development Block ti-a thlak a nih thlengin Block Development Officers pathum an awm hman a. Chumi hnu ah, Tlangnuam Community Development Block chu Tlangnuam Rural Development Block ti-a thlak leh a ni.

Tlangnuam RD Block-ah hian a din tirh atang a tun thleng-in Block Development Officer 52 (sawmnga pahnih) an awm tawh a. A hnuaia mi hi Service hrang hrang atang a Tlangnuam BDO awm tawh dan a ni.

  • Mizoram Civil Service                                                    : 31
  • Assam Civil Service                                                       : 11
  • Indian Administrative Service                                        : 8
  • Administrative Officer                                                    : 1
  • Agriculture Extension Officer                                         : 1

He block din tirh kum 1953 atang a kum 2015, April thla  thleng, chu chu kum 62 zet chhung hian he block hian a ma pualin office building a la nei ngailo a. Aizawl hmun hrang hrangah mi in luah a insawn kualin office kalpui thin a ni. Chutiang a hmun hrang hrang a mi in luah a office- a a lo neih tawhna te chu, a hmasak dan indawtin hetiang hi a ni.

  • Tlangnuam
  • Zarkawt
  • Kulikawn leh
  • Mission Veng

 

Tun hma chuan Tlangnuam RD Block hian Aizawl District hmun zau tak bakah Aizawl khawpui pumpui hi a huap thin a, District re-organisation anih hnuah leh Aizawl Municipal Council a lo din takah khan Tlangnuam RD Block huam chhung thin tam tak chu district dangah betin, Aizawl khawpui ngei pawh AMC thuneihna hnuaiah a lo awm ta a ni.

 

Tun dinhmunah, Tlangnuam RD Block hnuaiah khua (villages) leh Bawk (sub-village) 1 a awm mek a. Chungte chu:- Lengpui, Sihhmui, Sairang, Sairang Dinthar, Sihphir, Sihphir Venghlun, Nausel, Muthi, Tuirial, Tuirial Airfield, Samtlang, Lungleng –I leh N.Lungleng.

 

Tun dinhmunah Tlangnuam RD Block ah thawktu mi 37  kan awm mek a. A hnuai a mi ang hi Branch –wise a staff dinhmun a ni. General Branch : 13, MGNREGA : 16 leh MZSRLM : 8.

 

Kum 2011 ah Director, Rural Development Execution Order no. B 13011/62/2010 – 2011 – DTE(RD) HPS of 28. 3. 2011 hmanga pawisa sanction leh BNRGSK pawisa hmangin Tlangnuam RD Block Office sak hna tan a ni a. He pawisa hmang hian Retaining wall, Posts, Beams, Side drains, Slabs, leh Building hmalam ah Garage Building lian tak te chu a ruangam sak zawh a ni. 

 

Kum 2014 ah Director, Rural Development Execution Order no. B 13011/62/2012 – 2013 – DTE(RD) HPS of 31. 3. 2011 hmangin Rupees 50,00,000/- sanctioned a ni a, he pawisa hmang hian April, 2014 atangin sak chhunzawm leh ni in, tun dinhmun hi thlen a ni. April 2015 thlengin he pawisa hmang hian sak chhunzawm a ni. Structure awmsa chhungah a chunglam floor thum a hna a tul ang ang te thawhzawh ni in, electric connection leh tui connection pawh tih nghal ani. 

 

NI 27th April 2015 hian Building thar ah a atheih ang ang a inben bel phawt nise tiin inthiar luh tan a ni. He hi sawrkar policy ang a, in remchem na tur atan a thla thar May 2015 a inluah man pe lova luah luh hma hram dan ngaihtuahna a vanga tih ani a, May ni 13th, 2015 khan Official taka luah luhna hun urhsun taka hman a ni.