Mizoram State Rural Livelihoods Mission Chanchin tlangpui

Village entry

Stage - I

Stake Holder Meeting

 Khawchhunga NGO’s Hruaitu te nen a meeting neih, meeting ah hian MzSRLM kalphung thlangpui leh Village entry chhunga hna thawh dan tur te, NGO’s te nen a thawh ho dan tur sawi ho na neih thin a ni.

Stage - II

Households Visit

Khawchhunga in zawng zawng ah len kual tur a ni a, Household visit neihna ah hian zawhna tlemte zawtin leh, SHG member ni thei awm te hnenah Gram Sabha neihna a tel tura sawmna neih thin a ni.

Stage - III

Gram Sabha

Gram Sabha ah hian MzSRLM Kalphung chiang taka sawiin, SHG member ni thei te hnenah SHG member nih dan te leh member nih dawna thil pawimawh te in hrilhhriatna neih thin a ni.

Participatory Identification of Poor (PIP)

PIP  ah hian khawchhunga cheng te khawsak dinhmun te thliarfel in SHG member ni thei tur inthliarfelna neih a ni. Tehna Pathumah siamin heng : Khawsak harsa, Khawsakna vantlang  leh Khawsak harsalo te a tehna siam a ni a, a tehna hmanruah pawh felfai taka siamfel a ni a, heng tehna atang hian Khawsak  harsa leh khawsakna vantlang te hi SHG member ni thei tura tih an ni thin.

Social/Resources Mapping

Khawchhung map ziakin SHG member ni thei te khawsakna (in) awmna lai te, khawchhunga hmun pawimawh lai te chhinchhiahna neiin hna thawh zelna tur atana tangkai lai te chhinchhiahna siam thin a ni.

Stage - IV

Self Help Group (SHG) Formation

SHG dintur hian member hi mi 8-15 thleng a dintheih a, mahse duhthusam ah chuan member hi mi 10 aiin tamlo se. SHG in din dawn hian thil pawimawh tih ngai a awm a, SHG atangin hruaitu tur mi pathum (3) President, Secretary, treasurer te thlan chhuah an ngai a, chung thlan chhuah     atanga mi pahnin (2)te chu Group bank account operator tur thlan chhuah angai leh dawn ani. Group kan din fel hian MzSRLM in a lehkhabu enkawl tur a ruahman sa, Minute Bu, Personal (Mimal tin kawl tur) passbook, Cashbook te training neih leh thin a ni. Tin, Group hian anmahni group theuh te an in enkawlna tur dan an duang  lawk ve thin a ni. SHG hian an group hruaitu te pathum te kawl tur Group Seal an nei ve dawn a ni.

Thematic Hrang Hrang

Institution Building and Capacity Building ( IB & CB )

Group that leh that loh te, Village Organization (VO)te buaipui tur bik an ni ber a, member te enkawl a, an lehkhabu vawn te thiam tak leh fel taka an enkawl thei zirtir te, Group din chungchang ah leh ban chungchangah tlengin IB & CB kutah a awm a ni.

Livelihoods

Eizawnna lam bik liau liau atan SHG member te hma lakpui tu tur an ni. Livelihood ah hian thuang hnih in then an ni a, chung te chu.

  1. Farm : Ran vulh, Huan/lo neih lam a eizawngte tan bik a ruhmanna siampui leh an eizawnna tih ngialngheh nan a puitu tur an ni.
  2. Non-Farm : Sumdawnna lampang kaihhnawih hmanga eizawnna buaipui leh an eizawnna tih ngialngheh nan a puitu tur an ni.

Financial Inclusion

Bank Loan la thei te leh la duh te tan SHG te buaipui te leh Insurance chungchanga SHG member te buaipui hna te an thawk thin.

Management Information System (MIS)

MzSRLM hna thawh te chu MIS ah upload in, kan hna thawh te felfai taka record kan neih theih nan hna pawimawh tak an thawk a ni.

Cadres Hrang Hrang te

Community Facilitator (CF)

VO tin atangin mi pakhat thlang chhuakin, Group te tlawh kual a, an thiamloh te zirtir tur te leh an harsatna te hotu te     hnena thlen sak tu tur atan a thlan chhuah an ni thin a, an hna thawh te chu Block Office ah report an pe leh thin a, heng atana kan thlan chhuah te hi Community Facilitator (CF) tih an ni. An hnathawh dan azirin thlatin lawman siamsak thin an ni.

Community Resource Person (CRP)

Agriculture CRP : Huan/Lo neih a eizawng te bik tan, an mamawh te hotu te hnena thlensak te, an harsatna sutkiansak tu tur atan VO tin atangin mi pakhat (1) thlan chhuah an ni a, an hnthawh dan azirin thlatin lawman pek thin an ni. 

Note : CRP hi Tlangnuam R.D Block ah chuan ACRP leh LCRP te hi a hran in nei lovin an thawk kawp nghal a ni.

Livestock CRP : Ran vulh hmanga eizawngte tan, an harsatna sutkian sak a, an mamawh te hotu te hnena thlen tur a thlan chhuah an ni thin. An hna thawh dan azirin thla tin lawman pek an ni.

CRP-EP (enterprise) : Sumdawnna lam a eizawng te tan a an sumdawnna buaipuia an harsatna sutkian sak tu tur atan te, an harsatna hotu te hnen thlen saktu tur atan te a thlan chhuah an ni. 

Note : CRP-EP hi tunah hrih chuan Tlangnuam RD Block ah kan la nei heih lova, Livelihoods Coordinator (LC) Non-Farm Block Staff ten an la enkawl a ni.

Financial Inclusion (FI)

FI cadres te hian SHG member te tan loan an buaipui a, CIF loan te, Bank loan te leh Insurance ( PMJJBY & PMSBY & APY ) scheme te member ti duh te an buaipui a thin a ni.

Funds

Start up Cost

SHG din anih atang hian an group in bul an tan na tur pawisa Rs.2500/- an dawng thin a, hei hi an group in bank account an hawnna tur atan te, an Minute bu leina tur atan te, an group Seal siamna tur atan te leh an mamawh dang leina tur atan te a pek an ni.

Revolving Fund (RF)

RF hi SHG ten dan zawm tur panga, Panchasutran te an zawm that chuan thla thum an tlin hunah an group an that leh that loh kan teh (Grading kan nei ang) anga, an that chuan Group member mi 8 aia tlem te RF Rs. 20,000/- leh Rs.30,000/- group member mi 8 aia tam tan pek an     ni dawn a ni. NOTE: RF hi Group member te insem ral tur a ni lova, an group pawisa, an in puk chhawk atan tih a ni.

Village Organization (VO)

 Khawtin a SHG a an Office Bearer (OB) mi pahnin (2) te chu thlang chhuak theuh in, chung thlan chhuah atang chuan Hruaitu thar thlan chhuah leh an ni a, Hruaitu atana thlan chhuah te hi. President, Vice President, Secretary, Assistant Secretary, Treasurer, Financial Secretary te thlan chhuah leh an ni.  VO OB atangin mi pathum (3-President, Secretary, Treasurer) ten bank account an operate dawn a, an pathum an VO seal an kawlvek tur an nei bawk ang.

Village Organization (VO) Start Up Fund

VO in bul an tan nan Rs. 75,000/- an dawng anga, VO account hawn nan te, Seal siam nan te, Minute bu lei nan te, VO in an mamawh zualpui leina tur atana bik liau liau a ni.

Community Investment Funds (CIF) 

CIF hi Group tin tan Rs 110,000/- theuh pek an ni a. Loan angin in pek a ni ang. A punna hi thla khat ah za a cheng khat 1% ( 12% kum khat atan) pung turin, (reducing interest) thla tin a punna tlahniam zel anga chhutin in pek chhuah tur a ni.

NOTE: RF hi Group member te insem ral tur a ni lova, an group pawisa, an in puk chhawk atan tih a ni.

Vulnerability Reduction Fund (VRF)

VRF Rs. 150,000/- hi SHG member te leh SHG member ni kherlo te tan pawh a hman theih, loan angin, a pung pawh a tlem thei angber in puk theih ani a, tin, VO te thuneihna in a hmangtu azirin a pung awmlo pawhin a puk theih a, pawisa khman theih dan leh hman theih zat bituk felfai tak siam ani a, chutiang mil chuan inpek chhuah thin a ni.

Custom Hiring Centre (CHC) Fund

CHC Fund Rs. 220,000/- hi SHG member ten man chawi a an hawh chhuah tur bungrua lei nan a ruahman a ni a, bungrua lei chu Agriculture kaihhnawih bik bungrua lei na tur a ruahman a ni. Ruahmanna felfai tak nen a kalpui a ni.

Village Organisation (VO) Sub Committee

Livelihoods Sub-Committee

OB atan mi pahnih ruatin Member atan VO EC atanga OB ni lo te chu a remchan dan ang te, an tui bik te in siamrem thin a ni a, VO OB atangin mi pahnih represent tur an in ruat anga, Cadres ah Community Resource Person (CRP) chu represent an ni bawk ang.

Loan/Financial Inclusion Sub-Committee

CIF loan leh bank loan chungchang buaipui an hna a n I dawn a, tin, Loan rul thalote an buaipui dawn a ni. VO OB atangin mi pahnih represent tur an in ruat anga, Cadres ah Financial Inclusion (FI) Cadres chu represent an ni bawk ang.

Social Action/Mobilization Sub-Committee

Group buai chinfel te, Group thar din chungchang ah te hma an lo la anga, VO kaihhruaina in Social activity te chu hma la tur an ni bawk ang. , Cadres ah Communiti Facilitator (CF) Cadres chu represent an ni bawk ang.

Training neih theih hrang hrang te

Micro Credit Plan (MCP)

CIF leh Bank Loan la tur te tan, an hman dan tur te, an hlawk dawn leh hlawk dawn loh an in chhut lawk theih dan tur ruahmanna siampui na a ni. An khua VO ah training pek thin an ni.

Note : MCP leh CBA hi a in kawp nghal a ni

Cost Benefit Analysis (CBA)

Loan latu in an Loan lak te an hman tumna ah te, a rulh let hunah an hlawk dawn leh hlawk dawn loh ruahmanlawkna an siamna a ni. An khua VO ah training pek thin an ni. 

Village Organization  (VO) membership Training

VO member te tha tak leh chak taka hna an thawh theih nan te, Leadership training te neihpui thin an ni. VO nihphung te leh an hna thawh tur hrang hrang insemzai dan te training neih thin a ni. An khua VO ah training pek thin an ni.

Village Organization Fund Management Training

MzSRLM hnuaia funds dawn te a hman dan tur dik taka hman anih theih nan, a hmanna thliarfel te, hmanna record felfai tak neih theih dan te inzirtir thin a ni. Rahmanna felfai tak nen kalpui mek a ni. . An khua VO ah training pek thin an ni.

Cadres Refresher’s Course Training

MzSRLM hnuaia Cadres hrang hrangte tan an thiamloh inzirtir te,mamawh dan azirin intuaitharna atan training neihn thin a ni.

Audit Training

SHG member te atangin Asuditor thlan chhuah an ni a, SHG leh VO te an audit thin a, an audit sak te atangin lawman/hlawh in pek thin a ni a, chung auditor te chu block ah training pek thin an ni.